Pêvek:Mamik

Mamikên kurdî (li hinek herêman dibêjin tiştonek) di şevên tarî yên bergovikan de pêxwarina şevan bû…
Mamik, gotinên li hevkirî ne û wek qalibekê tê pirsîn…
Yên ko ji wan qaliban re dibêjin mamik wek « Mamikê min ê mamanî… çi ye? » dipirsin.
Yên ko ji wan qaliban re dibêjin tiştonek dibêjin « Tişteka min heye… çi ye? »
Ji bo ko şirîniya zimanê me li ber çavên we rayêxim ez dê hinek mamikên ko min ji Gundikê Melî berhev kirine binivîsînim. Ji bilî mamikan min hinek tiştên dî jî kom kirine û paşê ez dê wan bigihînim ber destê we xwendevanên delal

Çend mamikên ji Gundikê Melî

• 1. Mamkê min ê mamanî

Qesra spî bê derî. Çî ye? (bersiv)

• 2. Mamkê min ê mamanî

Rojê bûk e şevê pepûk e. Çî ye? (bersiv)

• 3. Mamkê min ê mamanî

Pirtika karê li ser guhê darê. Çî ye? (bersiv)

• 4. Mamkê min ê mamanî

Sindirûka li ser sindirûkê mifte ya li destê bûkê. Çî ye? (bersiv)

• 5. Mamkê min ê mamanî

Sergelgele bingelgele çavzîq û simbêlbel e. Çî ye? (bersiv)

• 5. Mamkê min ê mamanî

Hilindo milindo kurek ji babê bilindo. Çî ye? (bersiv)

• 6. Mamkê min ê mamanî

Tişta tiştanî di nêv mîzera siltanî ji bilî Xwedê kes nizanî. Çî ye? (bersiv)

• 7. Mamkê min ê mamanî

Ji hire heta Mûsil hemî morîyên sinsil. Çî ye? (bersiv)

• 8. Mamkê min ê mamanî

Ji hire heta Bexda kulav rada. Çî ye? (bersiv)

• 9. Mamkê min ê mamanî

Serhilû ye ne mar e, grêkodel e ne dar e, giya dixwe ne dewar e. Çî ye? (bersiv)

• 10. Mamkê min ê mamanî

Şil bike, rep bike, tê re bike. Çî ye? (bersiv)

• 11. Mamkê min ê mamanî

Vî milî teht e wî milî teht e nêvê de şil û şeht e. Çî ye? (bersiv)

• 12. Mamkê min ê mamanî

Mezela şuştî û miştî du feqên çavreş tê de rûniştî. Çî ye? (bersiv)

• 13. Mamkê min ê mamanî

Tu girê didî diçe, tu berdidî disekine. Çî ye? (bersiv)

• 14. Mamkê min ê mamanî

Reş e reş e wek qîr, kutilka çêdike wek mala mîr. Çî ye? (bersiv)

• 15. Mamkê min ê mamanî

Reş e reş e wek qîr difire wek tîr. Çî ye? (bersiv)

• 16. Mamkê min ê mamanî

Zerik goştînî, girar qîrînî, hesko darînî. Çî ye? (bersiv)

• 17. Mamkê min ê mamanî

Bazina xezalê gêr bû newalê. Çî ye? (bersiv)

• 18. Mamkê min ê mamanî

Ez ji tehtê de diavêjim naşikê ez diavêjim kulekukê de dişikê. Çî ye? (bersiv)

• 19. Mamkê min ê mamanî

Keçika dukezî serbanan ve bezî. Çî ye? (bersiv)· ·

• 20. Mamkê min ê mamanî

Yekê got ayy! milê mino. yekê got:: ayy! pişta mino. yekê got xwezka min û canê mino. Çî ye? (bersiv)

• 21. Mamkê min ê mamanî

Ji şikêrê ye ji têrê ye ji rêrê ye. Çî ye? (bersiv)

• 22. Mamkê min ê mamanî

Komkirî barê gakê vekirî weke çîyakê. Çî ye? (bersiv)

• 23. Mamkê min ê mamanî,

Mamê bi lingikê diçe şerê gundikê. Çî ye? (bersiv)

• 24. Mamkê min ê mamanî,

Ser text e, bin text e, di nêvê de pîrek bê bext e. Çî ye? (bersiv)

• 25. Mamkê min ê mamanî

Ker zirî kuşpil firî. Çî ye? (bersiv)

• 26. Mamkê min ê mamanî

Hespê boz kir toz. Çî ye? (bersiv)·

• 27. Mamkê min ê mamanî

Çil çîk in, çil berçîk in çil ode ne çil kilîle ne. Çî ye? (bersiv)

• 28. Mamkê min ê mamanî

Sînîya savarê ya li ser guhê darê. Çî ye? (bersiv)

• 29. Mamkê min ê mamanî

Şikefta tarî tejî tê de mirarî. Çî ye? (bersiv)

• 30. Mamkê min ê mamanî

Ez çûm şikeftekê min darek rast nedît ez bigirim bi destê xwe. Çî ye? (bersiv)

• 31. Mamkê min ê mamanî

Çêlekoka zerik ji xwe re di gere. Çî ye? (bersiv)

• 32. Mamkê min ê mamanî

Sermişar e, pêxepar e, heçî nezane dewar e. Çî ye? (bersiv)

Bersivên Mamikan

bersiv

• 1. Hêk
• 2. Nivîn
• 3. Kon
• 4. Gêruse
• 5. Rêvas
• 6. Jina Hemle
• 7. Baran
• 8. Berf
• 9. Kusî/Şkêvlatok
• 10. Ta û Derzî
• 11. Hevîr
• 12. Goz
• 13. Pêlav/Sol
• 14. Kêza Gû
• 15. Kêç
• 16. Kil û Kildank

• 17. Mar
• 18. Kewzan/Kizwan
• 19. Bangur
• 20. Dîwar, Girş û Bangur
• 21. Gêruse
• 22. Kon
• 23. Mîrkut/Mêkut
• 24. Kusî/Şkêvlatok
• 25. Tiving/Tifek
• 26. Aş
• 27. Pîvaz
• 28. Hinar
• 29. Dev û Didan
• 30. Şaxê Bizinan
• 31. Kulind/Kundir
• 32. Dîk/Dîkil

Çavkanî

• Mamikê min ê mamanî, Mirad Gundikî, Kurdîgeh.com, 28-12-2010